धनगढी : १७औं संस्करणको सुदूरपश्चिम महोत्सवको टिकट खल्ती मोबाइल एपबाट खरिद गर्न सकिने भएको छ । कैलाली उद्योग बाणिज्य संघको आयोजनामा यहि मंसिर २२ गतेदेखि पुष २ गतेसम्म लाग्ने महोत्सवको प्रवेश शुल्क मोवाईल वालेट खल्तीबाट खरिद गर्न सकिने भएको हो ।
advertisement
समयको माग, दर्शकको भिड र सुरक्षालाई मध्यनजर गर्दै यस वर्षको टिकट खल्तीबाट बिक्रि गरिने आयोजक कैलाली उद्योग बाणिज्य संघले जानकारी दिएको छ । अघिल्लो वर्षसम्म प्रत्यक्ष महोत्सव स्थलको गेटमा कागजी टिकट बिक्री गर्दै आएको आयोजकले यस वर्षदेखि दर्शकको सहजताका लागि मोबाइलबाटै टिकट खरिद गर्न सक्ने व्यवस्था गरेको जनाएको छ ।
यस वर्षको महोत्सव अवलोकनको लागि विद्यार्थीलाई रु. ५० र साधारणलाई रु. १०० तोकेको छ । तर फरक क्षमता भएका व्यक्तिहरुको लागि भने निशुल्क प्रवेशको व्यवस्था मिलाइएको आयोजकले जनाएको छ ।
advertisement
