दोस्रो वडा अध्यक्ष फुटबल प्रतियोगिताको उपाधी धनगढी उपमहानगरपलिका-१२ जुगेडाले हात पारेको छ । आयोजक फूलवारी–११ स्पोर्टस् क्लबल धनगढी-१४ र धनगढी-१२ बिच भएको फाईनल खेलमा ३–२ गोल अन्तरले धनगढी-१२ ले उपाधि हात पारेको हो । उपाधिसंगै धनगढी-१२ ले एकलाख एक हजार पाँच सय पचपन्न र उप बिजेता बनेको आयोजक फूलवारी–११ स्पोर्टस् क्लबल धनगढी-१४ ले पचास हजार पाँचसय पचपन्न नगद पुरुस्कार हात पारेको छ ।
बिजेता र उपबिजेता टिमलाई धनगढी उप-महानगरपालिकाकी उप-प्रमुख कन्दकला रानाले पुरुस्कार वितरण गरेकी हुन् । आयोजक क्लबका अध्यक्ष महेश गोलेको अध्यक्षतामा विभिन्न अन्य विधामा समेत पुरुस्कार बितरण भएको थियो ।
धनगढी–१४ स्थित न्यू बुद्ध स्पोर्टस् युवा क्लबको खेल मैदानमा माघ २६ गतेदेखि प्रतियोगिता संचालन भएको थियो । प्रतियोगितामा बिभिन्न १६ क्लबको सहभागिता रहेको थियो । प्रतियोगिता संचालन गर्न धनगढी उपमहानगरपालिका वडा नम्बर १४बले चालु आर्थिक वर्षको बजेटमा चारलाख बजेट विनियोजन गरेको थियो ।
