धनगढी, २१ चैत्र । कैलाली जिल्लाको धनगढीमा चैत २८ गतेदेखि क्याम्पस स्तरीय फुटसल प्रतियोगिता हुने भएकाे छ ।
ऐश्वर्य विद्यार्थी समाजद्वारा वडा नम्बर ५ अध्यक्ष दाेस्राे एएमसी फुटसल प्रतियोगिताकाे आयाेजना गरिएकाे हाे।
प्रतियोगितामा प्रथम हुनेलाई नगद रु. ५१ हजार सहित ट्रफि, मेडल र प्रमाणपत्र प्रदान गरिनेछ । त्यस्तै द्वितीय हुनेलाई नगद रु. २५ हजार सहित ट्रफि, मेडल र प्रमाणपत्र प्रदान गरिनेछ भने तृतीय हुनेलाई नगद रु. १५ हजार पुरस्कार प्रदान गरिने समाजका अध्यक्ष महेशराज जाेशीले पत्रकार सम्मेलन मार्फत जानकारी गराए ।
यसैगरी उत्कृष्ट खेलाडी, गोलरक्षक र राइजिङ खेलाडीलाई नगद तथा ट्रफि प्रदान गरिने पनि उनले बताए ।
टिम दर्ताका लागि रु. ७ हजार लाग्ने पनि आयोजकले जनाएको छ । टिम दर्ता गर्ने अन्तिम मिती चैत २६ गते दिउँसो ४ बजेसम्म मात्र रहेकाे जनाइएको छ । प्रतियोगिता, फल्याटल्यान्ड फुटसलमा चैत २८ गते बिहान ८ बजेदेखि सुरु हुनेछ। प्रतियोगिता चैत्र ३० गतेसम्म सन्चालन हुनेछ ।
