लिग-२ एकदिवसीय सिरिजमा आज नेपाल रअमेरिका खेल्दै

धनगढी, ९ कार्तिक । आइसिसी क्रिकेट विश्वकप लिग-२ अन्तर्गत त्रिकोणात्मक सिरिजमा नेपालले आज अमेरिकासँग खेल्दैछ। खेल दुबई अन्तर्राष्ट्रिय रंगशालामा बिहान ११:१५ बजे सुरु हुनेछ।

नेपाली टोली यसपालि उच्च लयमा रहेकोले आजको खेलमा पनि अमेरिकालाई पराजित गर्ने दाउमा छ।

लिग-२ का बाँकी खेलहरूमा जित निकाल्नुपर्ने दबाब पनि नेपाली टोलीलाई छ।

टी-२० विश्वकपमा छनोट प्रतियोगिताको उपाधि नै जितेको नेपाली टोली ओमानबाटै यो सिरिज खेल्नका लागि युएई गएको थियो।

नेपालले ३० अक्टोबरमा युएईसँग, १ नोभेम्बरमा अमेरिकासँग र ५ नोभेम्बरमा फेरि युएईसँग खेल्ने तालिका रहेको छ।

लिग-२ मा १६ खेल खेल्दा १२ अंक मात्र जोडेको नेपाल सातौं स्थानमा छ । दोस्रो स्थानको अमेरिकाको २० खेलबाट २८ अंक छ भने यूएई ६ अंकसहित आठौं स्थानमा छ ।

नेपाली टोली:
रोहित कुमार पौडेल (कप्तान), दीपेन्द्र सिंह ऐरी (उप-कप्तान), कुशल भुर्तेल, मो. आरिफ शेख, सन्दीप लामिछाने, सोमपाल कामी, करण केसी, नन्दन यादव, गुल्शन झा, कुशल मल्ल, मो. आसिफ शेख, अनिल कुमार साह, भीम सार्की, साहब आलम, ललित नारायण राजवंशी