बाजुरामा ट्याक्टर दुर्घटना भएको छ । दुर्घटना हुँदा ४ जनाको घटनास्थलमै मृत्यु भएको छ । जिल्लाको बडीमालिका नगरपालिका–२ खडीगाडमा दुर्घटना भएको हो। आइतवार साँझ ५ बजेतिर सुपप्र ०१००२ त ४१०५ नम्बरको ट्याक्टरले लु ४ त ७३०५ नम्बरको ट्याक्टरलाई ओभर टेक गर्ने क्रममा दुर्घटना भएको हो ।
सुपप्र ०१००२ त ४१०५ नम्बरको ट्याक्टर खोलामा परेर चालकसहित ४ जनाको मृत्यु भएको छ। मृत्यु हुनेमा बडीमालिका–२ का ३८ वर्षीय देवराज जैशी, ३३ वर्षीया करिष्मा रोकाया, सोहि पालिका–१ का ३५ वर्षीय चन्द्र धामी र गौमुल गाउँपालिका–६ का ३० वर्षीय ट्याक्टर चालक हिक्मत रोकाया रहेका छन् ।
दुबै ट्याक्टरमा ४/४ जना सवार रहेका थिए । अर्को ट्याक्टरका चालकसहित चारै जना फरार रहेका छन् । घटनास्थलमा प्रहरीको टोली खटिएको जिल्ला प्रहरी कार्यालय बाजुराका प्रहरी नायव उपरीक्षक कविन्द्र सिंह बोहराले बताए ।
