कञ्चनपुरको दक्षिणक्षेत्र पुनर्वास नगरपालिका वडा नम्बर २ मोतीबस्तीमा रहेको श्री सरस्वती माध्यमिक बिद्यालयको ४५ औं वार्षिकोत्सव तथा अभिभावक दिवस सम्पन्न भएको छ ।
शनिबार विद्यालयको प्राङ्गणमा एक औपचारिक कार्यक्रमका बिच प्रतिनिधिसभा सदस्य तारालामा तामाङको प्रमुख आतिथ्यतामा विद्यालयको ४५ औं वार्षिकोत्सव तथा अभिभावक दिवस सम्पन्न भएको हो
कार्यक्रममा बोल्नुहुदै प्रतिनिधि सभा सदस्य तामाङले आफ्नो निर्वाचन क्षेत्रका सबै विद्यालयमा शैक्षिक गुणस्तरका लागि कुनै प्रकारको अभाव हुन नदिने प्रतिबद्धता व्यक्त गर्नुभयो ।
त्यस्तै विशिष्ट अतिथिमा रहनुभएकी राष्ट्रिय सभा सदस्य इन्दु कडरियाले यस विद्यालयको अन्य सामुदायिक विद्यालय भन्दा शैक्षिक गुणस्तर निकै राम्रो भएको र केही भौतिक पूर्वाधारहरूमा समेत सुधार पाएको बताउनुभयो ।
सुदुर पश्चिम प्रदेश सभाका प्रदेश सदस्य माननीय बीर बहादुर थापाले आज आफैले अध्यापन गराउदै आएको यस विद्यालयको वार्षिकोत्सब समारोहमा सहभागी हुन पाउँदा निकै खुशी भएको बताउनुभयो ।
कार्यक्रममा बिद्यालयका प्रधानाध्यापक जितेन्द्र पौडेलले आर्थिक बर्ष ०८०/८१ को कुल ५७ लाख ९५ हजार ६५० रूपैया बराबरको आय-व्यय प्रस्तुत गर्नुभएको थियो भने विद्यालयभित्र रहेका विभिन्न समस्याहरु बारे उजागर गर्दै अभिभावकज्यूहरूलाई समेत यस विद्यालयमा समयसमयमा आएर विद्यालयलाई सुझाव सल्लाहका साथै हातोमालो गरेर अगाडि बढ्नुपर्ने बताउनुभयो ।
