सामाजिक सञ्जाल फेसबुकमा गौशाला २६ भन्दै युवतीको फोटो राखेको आरोपमा एक जना युवा पक्राउ परेका छन् ।
नेपाल प्रहरीको साइबर ब्यूरोबाट खटिएको प्रहरी टोलीले बुधवार ती युवकलाई पक्राउ गरेको हो ।
advertisement
ब्यूरोका प्रवक्ता एवम् प्रहरी उपरीक्षक पशुपति कुमार रायले पक्राउ परेका ती युवकमाथि अहिले थप अनुसन्धान भइरहेको बताए । आरोपी व्यक्तिबारे विस्तृत अध्ययन नभई सञ्चारमाध्यममा विस्तृत जानकारी दिन नमिल्ने पनि उनले बताए ।
बलात्कार आरोपमा क्रिकेटर सन्दीप लामिछानेलाई जिल्ला अदालत काठमाडौंले दोषी ठहर एवं सजाय तोकेपछि सामाजिक सञ्जालमा गौशाला २६ को फोटो भन्दै शेयर हुने क्रम बढेको छ ।
advertisement
पीडित गौशला २६ ले नै ब्यूरोमा फोटो दुरुपयोग भएको भन्दै उजुरी दिएकी थिइन् ।
