प्रधानमन्त्री कप एक दिवसीय राष्ट्रिय क्रीकेट प्रतियोगिताको फाइनलमा आज दुबै विभागीय टोली पुलिस क्लब र त्रिभुवन आर्मी क्लबबीच प्रतिस्पर्धा हुँदैछ । खेल बिहान ९:१५ मा टियु क्रिकेट मैदानमा सुरु हुनेछ ।
शीर्ष स्थानमा रहेको नेपाल पुलिस क्लब लिगका सबै ९ खेल जितेको थियो भने आर्मी ९ खेलमा ७ मा जित हासिल गरेको थियो ।
आजको खेलमा आर्मीको कप्तानी विनोद भण्डारीले गर्नेछन् भने अन्य चर्चित खेलाडीहरुमा विनोद, कुशल मल्ल, भीम सार्की, सोमपाल कामी, जितेन्द्र मुखिया र साहब आलम जस्ता खेलाडी रहने छन् ।
यस्तै पुलिसको कप्तानी दीपेन्द्रसिंह ऐरीले गर्नेछन् भने अन्य चर्चित खेलाडीहरुमा कुशल भुर्तेल, आरिफ शेख, अर्जुन साउद, सागर ढकाल, करण केसी र ललितनारायण राजवंशी रहने छन् ।
२०१९ मा पुलिस र २०२१ मा आर्मीले उपाधि जितेका थिए । सबै ६ संस्करणमा फाइनल खेल्ने आर्मी एक्लो टोली हो ।
