कैलालीको धनगढी उपमहानगर पालिका वडा नम्बर १४ मा दोस्रो वडा अध्यक्ष कप फूटबल प्रतियोगिता सुरु भएको छ ।
advertisement
फूलबारी-११ स्पोर्टस् क्लबले अयोजना गरेको प्रतियोगिता न्यू बुद्ध स्पोर्टस् युबा क्लब “एच” गाउँको खेल मैदानमा सुरु भएको हो । प्रतियोगिताको शुक्रवार धनगढी-१४ का वडाअध्यक्ष मानबहादुर बिष्टले एक कार्यक्रमका बिच उद्घाटन गरे । फागुन ४ गते सम्म चल्ने प्रतियोगितामा १६ वटा क्लबको सहभागिता रहेको छ ।
advertisement
प्रतियोगितामा बिजेताले नगद रु.एक लाख एक हजार एक सय पचपन्न र उप बिजेताले नगद रु. पचास हजार पाँच सय पचपन्न पुरस्कार पाउने आयोजक क्लबका अध्यक्ष महेश गोलेले बताए ।
यस्तै आज भएको उद्घाटन खेलमा धनगढी-१४ को “सी” टिमलाई १-० गोल अन्तरले हराउँदै धनगढी-१८ “ए” गाउँले जित हात हासिल गरेको छ ।
