कोहलपुरमा सम्पन्न नेत्रहीन क्रिकेट प्रतियोगिताको उपाधि कञ्चनपुरले जितेको छ । नेत्रहीन क्रिकेट संघ नेपाल बाँकेले कोहलपुरमा आयोजना गरेको प्रतियोगिताको उपाधि कञ्चनपुरले जितेको हो ।
मंगलबार (आज) खेलिएको फाइनल खेलमा बर्दियालाई ८० रनको फराकिलो अन्तरले हराउँदै कञ्चनपुरले उपाधि जितेको हो । पहिले ब्याटिङ गरेको कञ्चनपुरले निर्धारित ओभरमा ३ विकेट गुमाएर २ सय १७ रन बनाएको थियो ।
जवाफी ब्याटिङमा ओर्लिएको बर्दियाले २० ओभरमा ४ विकेट गुमाएर १ सय ३७ रनमात्र बनाउन सक्यो ।
कञ्चनपुरका लागि दुर्गादत्त पौडेलले १ सय ६ रन बनाएका थिए । सोही योगदानका कारण उनी प्लेयर अफ दी म्याच पनि घोषित भए । पदमबहादुर बडैला प्लेयर अफ दी सिरिज घोषित भए । उनले प्रतियोगिता अवधिभरमा कुल ३ सय १२ रन बनाएका थिए । उनले चार विकेट पनि लिएका थिए ।
विजेता र उपविजेता टोलीका खेलाडीहरुलाई पुरस्कार तथा प्रमाणपत्र कोहलपुर नगरपालिका कार्यवाहक प्रमुख लालबहादुर रानाले वितरण गरे । उनले नगरपालिको आगामी बजेटमा फरक क्षमता भएका खेलाडीहरुका लागि बजेट विनियोजन गर्ने प्रतिबद्धता पनि व्यक्त गरे ।
