आईसीसी विश्वकप लिग–२ अन्तर्गत नेपालले आफ्नो तेस्रो खेल आज नामिवियासँग खेल्दैछ । खेल बिहान ९:३० बजे टीयु क्रिकेट मैदान कीर्तिपुरमा सुरु हुनेछ ।
नेपाल रोहित पौडेल र नामिविया जेराल्ड इरास्मसको कप्तानीमा मैदान उत्रदैछन् ।
नेपाल पहिलो खेलमा नामिवियाद्वारा ४ विकेटले पराजित भएको थियो भने दोस्रो खेलमा नेपालले नेदरल्यान्ड्विरुद्ध ९ विकेटको जित निकालेको थियो ।
नेपालले प्लेइङ ११ मा एक परिवर्तन गर्न सक्ने सम्भावना देखिन्छ । अनुभवी तीव्र गतिका बलर करण केसी टोलीमा फर्किदा देव खनाल बाहिर हुने सम्भावना रहन्छ । नेपालले नेदरल्यान्ड्सविरुद्ध करणलाई विश्राम दिँदै देवलाई खेलाएको थियो । देवलाई खेलाउन सक्ने पाँचौं नम्बर मात्रै छ । त्यहाँ भीम सार्की हुनेछन् । त्यसैले देव बेन्चमा बस्ने सम्भावना रहन्छ ।
नेपाल र नामिवियाबीच ओडीआईमा ७ खेल भएका छन् । जसमा नेपाल २ खेलमा विजयी र ४ खेलमा पराजित भएको थियो ।
