धनगढी, १० जेठ । बाजुराबाट रारातर्फ जाँदै गरेको जिप दुर्घटना भएको छ । जिल्लाको हिमाली गाउँपालिका–५ कोल्टिको जनप्रकाश माध्यमिक विद्यालय, कोल्टीका विद्यार्थीहरूलाई शैक्षिक भ्रमणका लागि रारा लैजादै गरेको ग १ ज ८२४९ नम्बरको जिप मुगुको खत्याड गाउँपालिका वडा–२ जाम हिलटपमा दुर्घटना भएको हो । जिपमा सवार १२ जना घाइते भएका छन् ।
advertisement
घाइते हुनेहरु मध्ये नौँ जना विद्यार्थी, दुई जना शिक्षक र जिप चालक रहेका छन् । घाइतेहरु मध्ये जिप चालकको अवस्था गम्भीर रहेको प्रहरी नायब उपरीक्षक वीरेन्द्र थापाले जानकारी दिनुभयो । घाइतेहरु मध्ये जिप चालक लालबहादुर भण्डारीको स्थानीय स्वास्थ्य चौकीमा उपचार भइरहेको छ भने अन्यको अवस्था सामान्य रहेको छ। जिप सडकबाट २५ मिटर तल खसेको थियो।
advertisement
