धनगढी, ९ असोज । कैलालीको कैलारी गाउँपालिकामा मोटरसाइकल अनियन्त्रित भई पल्टिदा एकजनाको मृत्यु भएको छ । दुर्घटनामा कैलारी गाउँपालिका वडा नम्बर ५ मनिकापुर बस्ने बर्ष १७ को सागर बिकको मृत्यु भएको हो ।
advertisement
१८ वर्षीय जोनसोन चौधरीले चलाएको बा ८९ प ६१३९ नम्बरको मोटरसाइकल आफै अनियन्त्रित भई सडक छेउमा पल्टिदा मोटरसाइकलमा पछाडी सवार विक घाइते भएका थिए । उनलाई उपचारको लागि मायामेट्रो अस्पताल धनगढी लगिएकोमा वुधवार विहान मृत्यु भएको प्रहरीले जनाएको छ ।
मोटरसाइकल र मोटरसाइकल चालक चौधरीलाई प्रहरीले नियन्त्रणमा लिई आवश्यक अनुसन्धान गरिरहेको जनाइएको छ ।
advertisement
