धनगढी, १८ जेठ । कैलालीको धनगढी-१४, फूलबारीमा दुर्घटनामा घाइते भई उपचाररत रहेका एक विद्यालयका कार्यालय सहयोगीको मृत्यु भएको छ । आज (शुक्रबार) धनगढी उपमहानगरपालिका १४ फूलबारीका ५८ वर्षीय धर्मदत्त पङ्गालीको मृत्यु भएको हो।
advertisement
धनगढी-१८, फूलबारी स्थित श्री चन्द्रोदय मा. वि.मा कार्यरत पङ्गालीको धनगढीको निसर्ग अस्पतालमा मृत्यु भएको प्रहरीले जनाएको छ । उनको मृत्युपछि अस्पतालमा केहीबेर तनाव समेत भएको बताइएको छ ।
मृतक पङ्गालीलाई झण्डै एक हप्ता अघि आफ्नै घर नजिकै मोटरसाइकलले ठक्कर दिएको थियो । सो मोटरसाइकलका चालक सशस्त्र प्रहरी जवान धनगढी- ६ बस्ने २६ वर्षका बालकृष्ण चौधरी रहेको खुलेको छ ।
advertisement
चौधरीले ठक्कर दिएपछि घाइते भएका उनको निसर्गमा उपचार थालिएकोमा आज मृत्यु भएको हो । चौधरी सशस्त्र जवान विओपी फूलबारीमा कार्यरत रहेका छन् ।
