धनगढी, ९ माघ । भारतको महाराष्ट्रस्थित जलगाउँ जिल्लामा भएको रेल दुर्घटनामा कम्तीमा ७ जनाको मृत्यु भएको छ । रेलवेका जनसम्पर्क अधिकारीका अनुसार पुष्पक एक्सप्रेसका यात्रुहरूमाझ रेलमा आगलागी भएको अफवाह फैलिएको थियो ।
भुसावल डिभिजनका रेलवे पीआरओले बीबीसी मराठीलाई भने, ‘लखनउबाट मुम्बई जाँदै गरेको पुष्पक एक्सप्रेस ट्रेनको बी४ बोगीमा स्पार्किङ भएको थियो जसका कारण यात्रुहरूले आगलागी भएको अनुमान गरेका थिए। आगलागीको डरले धेरै यात्रुले रेलबाट हामफालेका थिए। त्यही समयमा अर्को तर्फबाट आइरहेको कर्नाटक एक्सप्रेसले यात्रुहरूलाई ठक्कर दिएको थियो ।’
उनले यो घटनामा सातदेखि १० यात्रुको मृत्यु भएको आशंका भएको बताए । यद्यपि, पीटीआईले भने यस घटनामा छ जनाको मृत्यु भएको बताएको छ ।
जिल्ला मजिस्ट्रेटले यो घटनामा १२ यात्रु घाइते भएको र उनीहरुको पचोरा ग्रामीण अस्पतालमा उपचार भइरहेको छ।
रातोपाटीबाट
