काठमाडौं, ५ माघ । मलेसियामा जारी आईसीसी यु-१९ महिला टी-२० विश्वकपमा आज नेपालले बंगलादेशसँग प्रतिस्पर्धा गर्दैछ । नेपाल र बंगलादेशबीचको खेल मलेसियाको बाङ्गीस्थित यूकेएम क्रिकेट ओभलमा आज (शनिबार) दिउँसो १२:१५ बजे सुरु हुनेछ ।
advertisement
यस विश्वकपमा पहिलोपटक सहभागी हुन लागेको नेपालको महिला टोलीको कप्तानी पूजा महतोले गरेकि छिन ।
विश्वकपमा नेपाल समूह ‘डी’ मा परेको छ । यस समूहमा बंगलादेशसँगै अस्ट्रेलिया र स्कटल्याण्ड छन् । नेपालले दोस्रो खेल माघ ७ गते स्कटल्याण्डसँग खेल्नेछ भने तेस्रो खेल माघ ९ गते अस्ट्रेलियासँग खेल्नेछ ।
advertisement
