काठमाडौं, १३ जेठ । इन्डियन प्रिमियर लिग (आईपीएल) मा उपाधिका लागि आज कोलकाता नाइट राइडर्स र सनराईजर्स हैदराबाद खेल्दैछन् ।
advertisement
आईपीएल क्रिकेटको १७ औँ संस्करणको फाइनल खेल चेन्नईमा नेपाली समयअनुसार आज बेलुका ७:४५ बजे शुरु हुनेछ ।
गत मङ्गलवार भएको पहिलो क्वालिफायरमा हैदराबादलाई ८ विकेटले हराउँदै कोलकाता फाइनलमा पुगेको हो भने शुक्रवार भएको दोस्रो क्वालिफायरमा हैदराबादले राजस्थान रोयल्सलाई ३६ रनले हराउँदै कोलकातासँग फाइनल खेल्न लागेको हो ।
advertisement
कोलकता आईपीएल क्रिकेटको दुई पटकको विजेता टोली हो भने हैदराबादले एक पटक उपाधि जितेको छ ।
