धनगढी,११ जेठ । कैलालीको घोडाघोडी नगरपालिका–५ मा दुई मोटरसाइकल एकआपसमा ठोक्किदा दुर्घटना भएको छ ।
advertisement
से ४ प १४३० नम्बरको मोटरसाइकल र सु.प.प्र. ०१–०१ प ९७४४ नम्बरको मोटरसाइकल एकआपसमा ठोक्किदा बिहीवार राती दुर्घटना भएको हो । उक्त दुर्घटनामा मोटरसाइकल चालक घोडाघोडी नगरपालिका–५ देउकलियाका ३९ वर्षीय चनकलाल चौधरीको मृत्यु भएको छ।
दुर्घटनामा गम्भीर घाइते भएका चौधरीको मेडिकल कलेज कोहलपुर बाँकेमा उपचारको क्रममा मृत्यु भएको हो । साथै दुर्घटनामा घाइते भएका मोटरसाइकलमा सवार दुईजना घाइते भएका छन् । घाइतेमध्ये एक जनाको घोडाघोडी अस्पताल र एक जनाको निसर्ग अस्पताल धनगढीमा उपचार भइरहेको जिल्ला प्रहरी कार्यालय कैलालीले जनाएको छ ।
advertisement
