काठमाडौं, २६ असार । अर्जेन्टिना कोपा अमेरिकाको फाइनलमा प्रवेश गरेको छ । मेटलाइफ स्टेडियम, न्यू जर्सीमा आज बिहान सम्पन्न खेलमा क्यानडालाई २–० गोलले पराजित गर्दै अर्जेन्टिना फाइनलमा पुगेको हो ।
advertisement
खेलको २३औं मिनेटमा जुलियन अल्भारेजले गोल गर्दै अर्जेन्टिनालाई सुरुआती अग्रता दिलाएका थिए भने ५१औं मिनेटमा एन्जो फर्नान्डेजको पासमा कप्तान लिओनल मेसीले गोल गर्दै अग्रता दोब्बर बनाए ।
जारी प्रतियोगितामा मेसीको यो पहिलो गोल हो । अब अर्जेन्टिनाले उपाधिका लागि उरुग्बे र कोलम्बियाबीचको विजेतासँग खेल्ने छ ।
advertisement
