कैलालीमा शनिबार एक ट्रकमा आगलागी भएको छ । पूर्वपश्चिम राजमार्ग अन्तर्गत बर्दगोरिया गाउँपालिका–४ मुडामा लाइटर, खुर्सानी र बच्चाको डाइपर बोकेको ट्रकमा आगलागी भएको हो।
advertisement
वीरगञ्जबाट धनगढीतर्फ आइरहेको प्रदेश ३ ०३००१ ख ००१२ नम्बरको ट्रकमा आगलागी भएको जिल्ला प्रहरी कार्यालय कैलालीले जनाएको छ।
advertisement
घोडाघोडी नगरपालिका र लम्कीचुहा नगरपालिकाको दमकलको सहायताले आगो नियन्त्रणमा लिएको प्रहरीले जनाएको छ।
क्षतिको विवरण संकलन भइरहेको प्रहरीले जनाएको छ। कैलालीको चिसापानीस्थित कर्णाली पुलमा गुडिरहेको ट्रकमाथि आगलागी भएको एक हप्ता नबित्दै कैलालीमा सोही प्रकृतिको घटना भएको हो।
