काठमाडौं, २८ असोज । नेपाल प्रिमियर लिग (एनपिएल)को फ्रेन्चाईज टिम सुदूरपश्चिम रोयल्सले अस्ट्रेलियाका पूर्व क्रिकेटर ब्राड हजलाई मेन्टर नियुक्त गरेको छ । सन् २००७ को विश्वकप विजेता टोलीमा रहेका हजलाई सुदूरपश्चिम रोयल्सले मेन्टर नियुक्त गरेको हो ।
advertisement
हजले कोलकाता नाइट राइडर्सबाट इन्डियन प्रिमियर लिग समेत खेलेका छन् ।
हजको आगमनलाई लिएर टोली उत्साहित रहेको सुदूरपश्चिम रोयल्सका मालिक स्वतन्त्र प्रताप शाहले बताए ।
advertisement
दीपेन्द्र सिंह ऐरी मार्की खेलाडी रहेका सुदूरपश्चिम रोयल्सको मुख्य प्रशिक्षकमा जगत टमाटा छन् ।
नेपाल क्रिकेट संघ क्यानको आयोजनामा मंसिर १६ गतेदेखि एनपिएल सुरु हुनेछ ।
