काठमाडौं, १२ मङ्सिर। आउँदो शनिबारदेखि सुरु हुने नेपाल प्रिमियर लिग (एनपीएल) अन्तर्गत पहिलो खेलका सबै टिकट बिक्री भएका छन् । डिजिटल वालेट खल्तीबाट सोमबार टिकट खुला गरिएकोमा तीन दिनमै सोल्ड आउट भएको नेपाल क्रिकेट सङ्घ (क्यान)का सचिव छुम्बी लामाले जानकारी दिए ।
advertisement
उनका अनुसार खल्तीबाट १० हजार टिकटमध्ये ८०० भीआईपी र नाै हजार २०० साधारणतर्फका टिकट बिक्री भएका छन् । उद्घाटन खेलका लागि भीआईपी टिकटको मूल्य ७०० र साधारण टिकटको मूल्य ३०० रुपैयाँ राखिएको थियो ।
यसबाट हिसाब गर्दा विराटनगर किङ्स र जनकपुर बोल्ट्सबीच हुने उद्घाटन खेलको टिकट बिक्रीबाट क्यानले ३२ लाख रुपैयाँ बढी आम्दानी गरेको छ ।
advertisement
