“मूल्य उन्मुख शैक्षिक वातावरण, समग्र लालझाडीको आवरण” भन्ने मुल नाराका साथ कंचनपुरको लालझाडीमा पढाइ मेला २०८० एवम विज्ञान प्रदर्शनी प्रतियोगिता सप्पन्न भएको छ ।
पढाइ मेलामा लालझाडी गाउँपालिका भित्रका १५ वटा विद्यालयहरुको सहभागिता रहेको थियो । मेलामा सहभागी विद्यालयहरुले विज्ञान प्रदर्शनी समेत गरेका थिए । विज्ञान प्राविधि तर्फ त्रिनेत्र एजुकेसनल एकेडेमी पहिलो, भानु मा वि दोस्रो र सरस्वती मा विले तेस्रो स्थान हासिल गरेको छ ।
यता पढाइ मेलामा छात्र तर्फ हेवन पर्ल वर्ड एकेडेमीका सुमित रानाले प्रथम स्थान हासिल गरेका छन । यस्तै स्वतन्त्र मा.वि.का शिबम रानाले दोस्रो र बैजनाथ बालज्योती आ.विका योगेन्द्र नाथले तेस्रो स्थान हासिल गरेका छन् । यस्तै छात्रा तर्फ रामेश्वर मा.बि. कि रोमिका चौधरी पहिलो भईन । बैजनाथ मा.वि कि सरस्वती राना दोस्रो र हेवन पर्ल वर्ड एकेडेमी कि रोश्नी राना तेस्रो भइन ।
कार्यक्रममा बोल्दै भानु माध्यमिक विद्यालयका प्रधानाध्यापक बेद प्रकास उपाध्यायले मेलाबाट विद्यार्थीहरुले आफुले पढेका विषयहरु प्रतियोगितात्मक ढंगबाट ब्यवहारमा उतार्न पाएको बताउनुभयो । आफ्नो विद्यालयबाट मेलामा सहभागी हुन पाउँदा गर्व महसुस गरेको समेत उहाँले बताउनुभयो ।
मेलामा बोल्दै सरस्वती मा विका प्रधानाध्यापक तारामणि न्यौपानेले आफुले कल्पना पनि नगरेको विज्ञानका सामाग्रीहरु विद्यार्थीले बनाएर प्रदर्शनीमा राखिएको बताउनुभयो । मेलामा विद्यार्थीहरुले बनाएका स्मार्ट सिटी मोडल, पाओर हाउस, लन्चर मेसिन, जेसिबी मेसिन, लिफ्ट लगायतका स्थानीय सामग्रीहरु पनि राखिएको उहाँले बताउनुभयो । विद्यालय तथा शिक्षकहरुले अवसर सिर्जना मात्रै गरिदिए विद्यार्थीहरुमा आफैले गर्दै सिक्दै गर्नसक्ने प्राविधिक ज्ञान उनीहरूमा रहेको उहाको तर्क छ ।
यता मेला आयोजना गरिएको बैजनाथ माध्यमिक विद्यालयका प्रधानाध्यापक गणेश राज जोशीले मेला आयोजना गरेकोमा लालझाडी गाउँपालिकालाई धन्यवाद ब्यक्त गर्नुभयो ।
विद्यार्थीहरुको विज्ञान र प्राविधिक क्षेत्र प्रतिको रुचि देखेर सो ठाउँमा एउटा विज्ञान तथा प्राविधिक विषय पढाइ आवश्यक रहेको बताउनुभयो । सबैको सल्लाह बमोजिम पालिकामा आफ्नो विद्यालयको तर्फबाट प्रस्ताव पेश गरेको बताउदै पालिका, विद्यालय, विद्यार्थी र स्थानीयको सहयोग मिले छिट्टै प्राविधिक धारको विद्यालय संचालन गर्ने बताउनुभयो ।
यस्तै कार्यक्रममा बोल्दै लालझाडी गाउँपालिकाका शिक्षा युबा तथा खेलकुद शाखाका प्रमुख सिद्धराज भट्टले पढाइ मेला, विज्ञान प्रदर्शनी तथा पढाइ प्रतियोगिताले विद्यार्थीको पठन सीपको मुल्यांकन,अभिबृद्वी, प्रतिस्पर्धात्मक भावना उजागर गर्ने बताउनुभयो । विज्ञान प्रदर्शनी मार्फत विद्यार्थीमा बैज्ञानिक सोचको विकास गर्नमा मद्दत मिल्ने बताउनुभयो । यस्ता कार्यक्रमले विद्यार्थीमा रचनात्मक तथा खोजमुलक काम गर्न सहयोग मिल्नुका साथै विद्यार्थीका प्रतिभा प्रस्फुटनमा सहयोग हुने अपेक्षा उहाले गर्नुभयो ।
कार्यक्रमको सभापतित्व बैजनाथ माध्यमिक विद्यालयका अध्यक्ष बिर्मा देबि बोहराले गर्नुभएको थियो । कार्यक्रममा प्रमुख अतिथी लालझाडी गाउँपालिकाको उपाध्यक्ष सपना चौधरी राना रहनु भएको थियो । कार्यक्रममा पालिकाका प्रमुख प्रशासकीय अधिकृत राज बहादुर सार्की, पालिका भित्रका निजि तथा सस्थागत विद्यालयका प्रमुख, शिक्षक, विद्यार्थी, अभिभावक, पत्रकार लगायतको उपस्थिति रहेको थियो । कार्यक्रममा लालझाडी गाउँपालिकाका शिक्षा युबा तथा खेलकुद शाखाका प्राबिधिक सहायक कुबेर बहादुर बमले शुभकामना मन्तव्य राख्नु भएको थियो ।
यस्तै बैजनाथ माध्यमिक विद्यालयका प्राधानाध्यापक गणेश राज जोशीले स्वागत मन्तव्य राख्नु भएको थियो भने कार्यक्रमको संचालन सोहि विद्यालयका शिक्षक चन्दर रानाले गर्नुभएको थियो ।
