धनगढी, १९ जेठ । नायक पल शाह धनगढीको एसटिएस सिनेमा हलमा आउने भएका छन । पुजार सार्की फिल्ममार्फत नेपाली फिल्म इन्डस्ट्रीमा सानदार कमब्याक गरेका नायक शाह यहि सोमबार विहान ८ बजेको शोमा धनगढी आउने भएका हुन ।
पुजार सार्की फिल्म रिलिजको दोस्रो हप्ता आफ्ना दर्शकलाई भेट्न धनगढी आउन लागेको शाहले बताएका छन । सामाजिक संजाल फेसबुकमा पोष्ट गर्दै शाहले आफू र पुजार सार्की टिमलाई माया गर्ने दर्शकलाई भेट्न धनगढी आउन लागेको जानकारी गराएका छन ।
त्यस्तै फिल्म रिलिजको पहिलो हप्ता दर्शकलाई भेट्न काठमाडौं र जपानको टोकियोस्थित विभिन्न फिल्म हलमा पुगेका शाहले फिल्म रिलिजको दोस्रो हप्तासम्म पनि दर्शकमा त्यही उत्साह पाएको बताएका छन ।
यता पल शाह धनगढी आउने भन्ने खबरले सोमबार पुजार सार्कीु फिल्मका लागि टिकट बुकिङ्ग गर्नेहरु बढेको एसटिएस सिनेमा हलका म्यानेजर योगेन्द्र नायकले बताएका छन । सोमबारका लागि अग्रिम टिकट बुकिङ्गको समेत सुविधा भएको भन्दै उनले बेलैमा आफ्नो सिट सुरक्षित राख्न पनि आग्रह गरेका छन ।
