कैलालीको धनगढीमा एक लाख ४१ हजार भारतीय रुपैयाँ सहित २ जना पक्राउ परेका छन् । सुदूरपश्चिम प्रदेश प्रहरीले बुधवार उनीहरूलाई पक्राउ गरेका हुन् ।
advertisement
पक्राउ पर्नेमा धनगढी उपमहानगरपालिका—४ बसपार्कका ३५ वर्षीय पवन गुप्ता र ३२ वर्षीय अंकित गुप्ता रहेका छन् । उनीहरू त्रिनगरबाट स्रोत नखुलेको भारतीय नगद रकमसहित पक्राउ परेका हुन् ।
advertisement
सुदूरपश्चिम प्रदेश प्रहरी कार्यालय, धनगढीको टोलीले उनीहरूलाई सुदूरपश्चिम प्रदेश ०१००८ प १६६० नम्बरको मोटरसाइकल र भारतीय रकमसहित पक्राउ गरेको हो । उनीहरूको स्रोत नखुलेको रकमको विषयमा प्रहरीले थप अनुसन्धान गरिरहेको जनाएको छ ।
