बेलौरीमा रहेको एनआइसी एसिया लघुवित्तमा तोडफोड

बेलौरी, १३ भदौ । कञ्चनपुरको बेलौरीमा रहेको एनआइसी एसिया लघुवित्त सहकारी संस्थाको कार्यालयमा तोडफोड गरिएको छ । बेलौरी नगरपालिका–४ बेलौरी बजार नजिकै रहेको एनआइसी एसिया लघुवित्तमा आज (बिहीबार) दिउँसो तोडफोड भएको हो ।

advertisement

लघुवित्त सङ्घर्ष समितिको एक समूहले कार्यालयमा तोडफोड गरी कार्यालयका महत्त्वपूर्ण फाइलहरू समेत लगेको प्रहरीले जनाएको छ । कार्यालय तोडफोड गर्ने १४ जनालाई पक्राउ गरी अनुसन्धान भइरहेको जिल्ला प्रहरी कार्यालय कञ्चनपुरका प्रवक्ता डिएसपी उमेश जोशीले बताए । अन्य फरारको खोजी भइरहेको प्रहरीले जनाएको छ ।तोडफोड गर्नेहरू करिब ३०/३५ जनाको समूहमा मुखमा पट्टी बाँधी आएको स्थानीयले बताएका छन् ।

advertisement