धनगढी, १४ साउन । कैलालीमा स्कुल बस दुर्घटना भएको छ । जिल्लाको गोदावरी नगरपालिका–९ बल्मी नजिकै स्कुल बस दुर्घटना भएको हो ।
advertisement
गोदावरी नगरपालिका–८ मा रहेको दुर्गाज्योती ईङ्लिस बोर्डिङ्ग स्कुलको से ०१००१ ख २१८२ नम्बरको स्कुल बस दुर्घटना भएको छ । बसमा २७ जना विद्यार्थी सवार थिए । बसमा सवार विद्यार्थी विप्लब खड्का र प्रकाश रावत घाइते भएको इलाका प्रहरी कार्यालय मालाखेतीका प्रमुख गंगाबहादुर थापाले बताए ।
घाइतेलाई अत्तरियास्थित पदमा अस्पतालमा ल्याइएको छ । बस चालक ३५ वर्षीय सैतुराम चौधरीलाई नियन्त्रणमा लिएको प्रहरीले जनाएको छ । दुर्घटनाको विस्तृत विवरण आउन बाँकी नै छ ।
advertisement
